اكثر من حاجه فى حياتنا وتصرفاتنا بتاكد على وجودنا فى مصر وهناك ايضا اكثر من حاجه بتاكد على وجودنا فى جامعه...؟؟ فمثلا
- لو كنت تعبان ومفيش مكان ترتاح فيه بعد المحاضرات غير السلم والرصيف
- لو دخلت المكتبه ورفضا استعارتك للكتب غير فى يومين بس فى الاسبوع
- لو فضلت واقف فى طابور طويل علشان تشترى كتاب وفى الاخر الموظف يقولك اسف لانتهاء الموعد
- لما تدفع فلوس الكارنيه والموظف يبتسم يقولك ده ثمنه زمان..احنا عايزين فلوس زياده
- لما تظهر نتيجتك وتكتشف رسوبك فى نفس المواد لاكثر من مره ويطلبوا منك رسوم زياده بالاضافه لثمن الكارنيه
- لما تقرر ذهابك الى رحله علميه وتعانى فى حجز الاتوبيس ومكان الاقامه
- لما تركب الاتوبيس الخاص بالجامعه وتلاقى الكرسى من غير كرسى
- لما تدخل معمل الكليه وتكتشف نقص فى الادوات ولما تسال عنها يقولك اشترى انت بقى مش انت اللى هتستخدمها
- لما تدرب فى مستشفى الجامعه وتشعر بالتقزز من المكان والرائحه والازدحام
- لما يطلبوا منك عشرات الابحاث والمشروعات والمذكرات والمحاضرات لتدرسها حتى تنجح
- لما يسرقك وقتك وانت ضايع بين المحاضرات والنظرى والعملى وتفاجا باقتراب الامتحانات وانت فى منتصف المناهج
- لما يفضلوا النشاط الرياضى والاجتماعى عن النشاط الادبى والعلمى
- لما تاخد اكتر من كورس فى الماده علشان تنجح لانك مش فاهم لكثره العدد فى القاعه
انت اكيد اكيد فى جامعه...!!
ولكن
- لما تلاقى نفسك فى قمه الخنقه والحر مبتسم لملحوظه قالها استاذك
- لما تلجا الى استاذك لتاخذ رايه فى مقال كتبته وتجده فى قمه سعادته بك
- لما تلاقى استاذك بيعرض عليك المساعده قبل ان تنطق انت بها
- لما تتناقش مع اصحابك وتستشهد بمقوله نطقها احد اساتذك فتجد الدهشه فى عيونهم من شده ايمانك بها
- لما تلاقى نفسك مع زمايلك تتبادلوا الاراء بخصوص مشروع التخرج وتفاجا براى مختلف فتنظر فتجده احد اساتذتك يجلس بينكم بتواضع
- لما تكون فى مكان كله حب وارتياح ولاتشعر بتميز شخص عن اخر او استاذ عن طالب الا بالعلم ولا وجود لعالم الماديات
- لما تستمع فى رحله علميه كلها معاناه وشقاء فقط لوجودك بين اساتذتك وزمايلك
- لما ينادى عليك استاذك وهو فى قمه الفرحه ويقول لك هساعدك انا والاساتذه فى تنظيم حفله التخرج
- لما تشعر بالفخر والاقتناع والتميز عند سوالك عن جامعتك
يبقى انت اكيد اكيد فى جامعه...!!
ليست هناك تعليقات:
إرسال تعليق